Tey flestu søgdu nei til krossin

Tá Nes kommuna og stigtakararnir í vikuni boðaðu frá, at tey hava slept ætlanini um at seta ein kross upp á Høganesi, tí at fólki ikki dámar ætlanina, so er hetta í tráð við veruleikan.

Í hvussu so er sambært eini kanning, sum Spyr.fo hevur gjørt.

Tá Spyr.fo gjørdi veljarakanning fyri Blaðið Vikuskifti í farnu viku, spurdu tey eisini um áskoðanina hjá fólki til krossin á Høganesi.

Nærum helmingurin av teimum spurdu – 49 prosent – svaraðu nei til henda spurningin: “Heldur tú, at ein standmynd, ið ímyndar ein kross, skal setast upp á Høganesi?”

28 prosent søgdu ja og 23 prosent svaraðu ‘veit ikki’.

Fólk í Eysturoynni eru als ikki sannførd um ætlanina. 40 prosent søgdu seg vera fyri, men líka nógv vóru ímóti.

Øll greinin og øll tølini síggjast í Blaðnum Vikuskifti ókeypis her