Innanlands

Tey smittaðu frá fyrstu bylgju hava framvegis andevni

Føroysku úrslitini eru nú send altjóða tíðariti til almannakunngering

Maria Skaalup Petersen hevur gjørt kanningina saman við Pál Weihe (Savnsmynd: Finnur Justinussen)

Maria Skaalup Petersen hevur gjørt kanningina saman við Pál Weihe (Savnsmynd: Finnur Justinussen)

2021-04-14 07:31 Author image
Tíðindaskriv
placeholder

Heilt nýggj føroysk úrslit vísa, at tey, sum høvdu korona í fyrstu bylgju, framvegis hava andevnir 12 mánaðir eftir sjúku. Úrslitini vísa, at andevnis mongdin (IgG) lækkar mest teir fyrstu 7 mánaðirnar fyri síðan at verða meira støðug fram til 12 mánaðir.

- Nú eru meira enn eitt ár liðið, síðan Føroyar høvdu sín fyrsta tilburð av covid-19. Heilt frá byrjan hava vit fylt teimum, sum hava haft korona, m.a. við at kanna, um tey hava andevnir. Flest teirra hava latið tríggjar blóðroyndir, ávikavist 3, 7 og 12 mánaðir (fyrsta bylgja) og 1, 3 og 7 mánaðir eftir sjúku (seinni bylgjur), skriva Pál Weihe og Maria Skaalup Petersen frá Deildini fyri Arbeiðs- og Almannaheilsu í tíðindaskrivi.

- Hesi úrslit eru heilt nýggj, eisini í altjóða høpi, tí vit hava enn ikki sæð aðrar kanningar um andevnir eitt heilt ár eftir sjúku. Tey føroysku úrslitini eru nú send til altjóða tíðarrit til almannakunngering.

- Vit rokna við, at hesi fólk, sum hava haft koronasmittuna, framvegis eru vard móti endursmittu, men hvussu sterk verjan er, ber illa til at siga longu nú.

Verkætlanin er samstarv millum Deildina fyri Arbeiðs- og Almannaheilsu, Heilsufrøðiligu Starvsstovuna, Landssjúkrahúsið, Ílegusavnið, Landslæknan og Fróðskaparsetur Føroya. Kanningin er fíggjað av Felagnum Nótaskip og Spf. Krúnborg og Borgartún, meðan innsavnan av blóðroyndum er fíggjað av tí serliga covid-19 átakinum hjá Granskingarráðnum og Novo Nordisk Fonden.

Andevniskanningarnar eru gjørdar á Heilsufrøðiligu Starvsstovuni og á Ríkissjúkrahúsinum. 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder