Tikin við níggju kilo av kokaini á floghavnini í Keypmannahavn

Ein kvinna og ein maður úr Brasil vórðu seinnapartin í gjár handtikin í Danmark, eftir at hava roynt at smugla níggju kilo av kokaini inn á floghavnina í Kastrup.

Sambært løgregluni í Keypmannahavn, er grundlógaravhoyr í dag, og er kravið, at tey verða varðhaldsfongslaði.

Sambært Ritzau, er hetta aðru ferð innan heilt stutta tíð, at ferðandi úr Brasil verða skuldsett fyri at smugla stórar nøgdir av kokaini til Danmarkar.

Fyrr í desember mánað varð eitt annað par úr Brasil eisini tikið við 4,75 kilo av flótandi kokaini og 2,1 kilo av kokainpulvuri.

Les eisini: Hava lagt hald á 17,1 kilo av hassji í ár