Til reiðar við enn einum hitti

Hann tók Føroyar av bóli við fosturlandssanginum “Mítt vakra Føroya land”, og løgum sum “Liva her og nú”.

Nú er Janus W. Mortensen klárur við enn einum lagi. Hesaferð á enskum og við heitinum “Life is like a Symphony”. Lagið varð kunngjørt fríggjadagin, og hevur longu næstan 5000 spælingar á Youtube.

Tekstin til hava Lena Anderssen og Jens Marni Hansen gjørt. Lagið hava Jens Marni Hansen, Janus W. Mortensen og Hans Poulsen gjørt.

Mastrað lagið hevur Hans Poulsen í IntroVers Studio.