2021-06-18 10:16
Fyri løtu síðan byrjaði tingviðgerðin av málinum um at fáa ein part av pedagogunum í verkfalli aftur til arbeiðis við lóg.
Til ber at fylgja tingviðgerðini her
So at siga øll fakfeløgini í landinum vísa Pedagogfelagnum sín stuðul, tí tey meta, at her er talan um so álvarsligt brot á rættin hjá fakfeløgunum at fara í verkfall, at fakfelagsrørslan ikki kann taka undir við slíkum.
Fakfeløgini hava verið á fundi í Smæruni í morgun, men enn er ikki frætt nakað um, hvat niðurstøðan á tí fundinum er.
Í miðbýnum í Havn er hópur av mótmælandi fólkum savnaður nú meðan viðgerðin fer fram inni í tingsalinum.
Vinarliga broyt tínar kennifíla - og privatlívsstillingar fyri at síggja hetta innihald