Tórshavnar kommuna endurskoðar Karlamagnusarbreyt

Tórshavnar kommuna hevði ætlanir um at hava fundir við borgarar og onnur, ið vanliga eru í økinum kring Karlamagnusarbreyt í Hoyvík, men orsakað av koronasmittuni, varð hetta av ongum.

Í staðin hevur kommunan fyrireikað eina talgilda kanning, har ein kann siga sína hugsan um umstøðurnar á Karlamagnusarbreyt, og hvussu hesar kunnu betrast.

Sambært Kringvarpinum, arbeiðir kommunan við at skipa øki við Hoyvíkar kirkju og ítróttarøki við Hoyvíkshøll.

Til ber at gera viðmerkingar á heimasíðuni hjá Tórshavnar kommunu, og hetta hava fleiri enn 140 fólk longu gjørt.