Tórshavnar kommuna: Framvegis bara 10 fólk í bussunum

Nú samfelagið letur stigvíst uppaftur, skulu foreldur helst fáa børnini í skúla í bili, á súkklu ella til gongu í staðin fyri at brúka bussin, boðar Tórshavnar kommuna frá á heimasíðuni.

Bussarnir koyra framvegis sum vant, men teir taka enn í mesta lagi níggju ferðafólk umframt bussførara. Hetta er galdandi, til onnur boð verða givin, sigur kommunan, sum eisini framvegis heitir á eldri fólk um ikki at brúka bussarnar.

Bussarnir verða sóttreinsaðir hvønn dag við serligum spritti, sum sóttreinsar alt í eina viku.