Transfólk eru ikki vælkomin í amerikanska herin

Transfólk hava einki at gera í amerikanska herinum og eru ikki vælkomin har. Tað er greitt eftir at hægstirættur í USA hevur atkvøtt um málið.

Hægstirættur atkvøddi um at geva amerikanska forsetanum heimild at banna fólk, sum hava skift kyn ella sum ætla sær at skifta kyn, at verða í herinum.

Sambært Reuters vóru tað teir konservativu dómararnir í hægstarætti, sum tryggjaðu eitt fleirtal í atkvøðugreiðsluni, við fimm móti fýra.