Tríggir mans avrættaðir í Iran

Tríggir mans vórðu í morgun avrættaðir í Iran, eftir at teir vórðu dømdir fyri "at hava luttikið í virksemi" vegna Ísrael og USA.

Hetta skal vera hent í sambandi við mótmælunum móti iranska stýrinum í januar.

Menninir blakaðu molotovkokteylar og granatir, brúktu knívar og skotvápn og settu eld á almennar bygningar í býnum Karaj vestan fyri høvuðsstaðin Teheran.

Onnur, sum eru dømd í málinum, hava fingið millum fimm og tíggju ára fongsulsrevsing, skrivar Ritzau.

Mótmælini í Iran byrjaðu í desember í fjør og snúðu seg upprunaliga um hækkandi livikostnaðin. Tey mentust tó til umfatandi mótmæli móti iranska stýrinum.

Sambært iranskum myndugleikum lótu fleiri enn 3.000 fólk lív í sambandi við mótmælini. Altjóða felagsskapir hava tó boðað frá einum hægri talið.

Iran lýsti harðligu mótmælini sum yvirgang, sum var lagdur til rættis av USA og Ísrael.