Agnar Prestá
”Grøna broytingin” næmingar úr 18u Glasir (4:40): Filmurin vísir á trupulleikar og loysnir í sambandi við veðurlagsbroytingar og letur bæði serfrøðingar og vanlig fólk sleppa at úttala seg.
”Rúsandi eitur” 8.a á Argjahamri (3:13): Hetta er klassisk filmslist, sum sýnir framúr kynstur at lýsa eina støðu, sum børn kunnu koma í orsaka av rúsdrekkamisnýtslu. Høvuðsleikarin spælir væl og vekir kenslur hjá áskoðaranum.
Soleiðis lýsti dómsnevdin, sum var seks fólk, m.a vinnandi filmarnir
Stjórin í Námi, Eyðun Gaard, helt røðu um týdningin at geva filmi rúmd á øllum stigum í undirvísingini kring landið, tí førleikin er góður og áhugin er sjónliga stórur at arbeiða við filmi.
19 filmar komu inn til kappingina. Teir komu frá framhaldsdeild í fólkaskúlanum og miðnámi. Glasir og skúlin á Argjahamri vóru best umboðaðir í kappingini. Filmar komu eisini frá Tekniska skúla í Klaksvík, Hoyvíkar skúla, skúlanum við Løgmannabreyt og Eysturskúlanum.
Til ber at lesa meira og síggja fleiri myndir á nam.fo
Vinarliga broyt tínar kennifíla - og privatlívsstillingar fyri at síggja hetta innihald