Tríggir tiknir fyri rúsdrekkakoyring í nátt

Í nátt vórðu tilsamans tríggir bilførarar tiknir fyri at koyra ávirkaðir av rúsdrekka, sigur løgreglan.

Tann fyrsti varð tikin í Havn um klokkan trý, og tann næsti varð tikin í Klaksvík ein góðan tíma seinni.

Triði bilførarin endaði í einum ferðsluóhappi í Søldarfirði beint fyri klokkan seks.

Viðkomandi rendi á ein lyktapela, og fingu bæði førarin og bilurin eitt sindur av skaða.

Av politistøðini verður sagt, at viðkomandi varð koyrdur á Landssjúkrahúsið til kanningar, men vakthavandi veit ikki at siga, um talan var um nakran álvarsligan skaða.