Tveir føroyingar innlagdir við koronasmittu

Tveir føroyingar eru nú innlagdir á koronadeildini á Landssjúkrahúsinum. Tá Heilsumálaráðið í morgun kunngjørdi nýggjastu tølini, var ein innlagdur, men síðani tá, er ein persónur afturat innlagdur.

Tummas í Garði, varastjóri í Sjúkrahúsverki Føroya, segði við Dag & viku í kvøld, at støðan hjá teimum báðum innlagdu ikki er hættislig. Aldurin á teimum er frá síðst í 30'inum og upp í 80 ár.

118 smittutilburðir av covid-19 eru staðfestir í Føroyum meðan 23 av hesum eru blivin frísk aftur. Fleiri enn 900 fólk eru í sóttarhaldi.