2021-08-03 11:23
Í gjár vóru tveir nýggir smittutilburðir staðfestir, vísa nýggjastu tølini hjá landslæknanum. Báðir persónar eru smittaðir í Føroyum, og í eina førinum er smittukeldan ókend, skrivar corona.fo.
Samstundis eru tveir persónar afturat staðfestir frískir síðan í gjár, og er talið á smittaðum í løtuni framvegis 28.
2.191 kanningar eru gjørdar seinasta samdøgrið. Í løtuni eru 60 fólk í sóttarhaldi.
Talið á innløgdum í gjár var tvey, men í dag stendur eingin at vera innlagdur longur.
Vinarliga broyt tínar kennifíla - og privatlívsstillingar fyri at síggja hetta innihald