Tveir ungir mans fingu treytaðan dóm fyri at deila sjónband av drápinum í Marokko

Í morgun varð greitt, at tríggir mans fingu deyðadóm fyri at hava dripið donsku Louisa Vesterager Jespersen og norsku Maren Ueland í fjøllunum í Marokko í desember. Tveir av teimum myrdu kvinnurnar við knívi - ein tók drápini upp. Langa rættarmálið er sostatt av, og útyvir teir tríggjar fekk ein maður lívslanga fongulsrevsing fyri at hava verið við í ætlanunum. Menninir eru viðhaldsmenn av Islamiskum Stati og arbeiddu sum ein lítil IS-bólkur.

20 aðrir mans fingu ímillum 5 og 30 ár. Hetta var fyri tað mesta orsakað av, at teir hava verið við at deilt eitt sjónband á netinum av ógvusligu morðunum, sum teir tríggir drápsmenninir upptóku. 

Les eisini: Marokko: Fingu deyðadóm fyri dráp á norðurlendsku kvinnurnar

Tað er tó ikki bert í Marokko, at dómur er sagdur viðvíkjandi hesum drápsmálinum. Sjónbandið av drápinum varð eisini deilt í Danmark, og ein 16-ára gamal og ein 17-ára gamal drongur eru dømdir í rættinum í Esbjerg fyri at hava deilt sjónbandið á Messenger.