Tvey vilja vera sóknarprestur í Fuglafirði

Umsóknarfreistin til embætið sum sóknarprestur í Fuglafjarðar prestagjald var úti á middegi í gjár, og tvær umsókir komu inn.

Vegna tær serligu umstøðurnar í samfelagnum verður mett, at setanartilgongdin tekur longri tíð enn vanligt, skrivar heimasíðan hjá Fólkakirkjuni.

Ætlanin var, at komandi sóknarpresturin í Fuglafjarðar prestagjaldi skuldi taka við kallinum 1. juni 2020, men tann tíðarætlanin kemur ikki at halda.