Uttanlands

Ungarn: Skipari á norskum skipi handtikin

Vanlukkan á Donau-ánni verður kannað sum brotsverk, og skiparin umborð á skipinum, sum rendi á, varð í gjár handtikin

Báturin, Havfrúgvin (Mynd: Scanpix)

Báturin, Havfrúgvin (Mynd: Scanpix)

2019-05-31 13:10 Author image
Alda Nielsdóttir
placeholder

Sjey fólk lótu lív, og 21 fólk eru enn saknað, eftir at Havfrúgvin, ein bátur við suðurkoreanskum ferðafólkum, hvøldist í Donau-ánni í ungarska høvuðsstaðnum, Budapest seint mikukvøldið.

Sjey fólk yvirlivdu vanlukkuna, og sjey ferðafólk lótu lív. Av teimum 21, sum enn ikki eru komin aftur í aftur eru 19 suðurkoreansk ferðafólk og tvey av manningini úr Ungarn.

Les eisini: Sjey suðurkoreansk ferðafólk latið lív í Budapest

Báturin hevði verið á rundferð á Donau-ánni, tá eitt norskt skip rendi á, og báturin sakk eftir bert sjey sekund.

Ungarski stjórnarleiðarin, Viktor Orban, hevur í dag lovað, at málið verður kannað gjølla.

Sambært DR, siga myndugleikarnir, at málið verður kannað sum eitt brotsverk.

Seint í gjárkvøldið varð eisini boðað frá, at skiparin umborð á norska skipinum, sum rendi á, varð handtikin.

Talan er um ein 64 ára gamlan ukrainskan mann, sum er undir illgruna fyri "gerðir, sum elvdu til vanlukkuna".

Vatnstøðan í Donau-ánni er høg í løtuni, og hetta hevur seinkað bjargingararbeiðnum.

placeholder
placeholder