Ungir vestmenningar kunnaðir um prutl

Ferðslupolitiið gjørdi í gjár eitt átak og greiddi teimum ungu í ungdómshúsinum Staðnum frá, hvussu eitt prutl ella ein skutari skal handfarast, og hvat ikki er loyvt.

Í Vestmanna ringja borgarar javnan til løgregluna og boða frá, at tey hava ampa av ólogum prutlum hjá teimum ungu. Eitt nú at tvey sita á skutaranum samstundis.

- Her gjørdu vit so eitt átak, og hugdu eisini eftir prutlum hjá teimum, sum vóru til staðar. Alt sum var har, var lógligt, so har var eingin bót útskrivað, sigur vakthavandi á løgreglustøðini.

- Tey ungu hava nógv upp á hjartað, so tað er fínt at vit fingu eitt gott prát við tey, verður sagt løgregustøðini.