Urgukonsert við Ara Hammer Joensen

Ungi urguspælarin Ari Hammer Joensen úr Havn hevur konsert á nýggju urguni í Hoyvíkar kirkju fríggjakvøldið. 

Ari er nýliga byrjaður at lesa á Kongaliga Musikkonservatorinum í Keypmannahavn, og er nú heima í heystfríð. Ari spælir verk, sum hann í seinastuni hevur arbeitt við á konservatorinum. 

Milum verkini, ið spæld verða, eru egin verk hjá Ara á skránni:  

1. Ari Hammer Joensen – Ritornello Sálmalag: Lat hurðar upp, ger borglið breið 
2. Ari Hammer Joensen – Partita. Sálmalag: Nú komu boð við einglum dýr 
3. Robert Schumann – Kanon í As dur 
4. Nikolaus Bruhns – Preludium og Fuga í E mol 
5. Georg Böhm – Vater unser im Himmelreich 
6. Johann Sebastian Bach – Fantasia og Fuga í G mol 

Konsertin, sum er fríggjakvøldið klæ 20, er ókeypis.