USA fer at hjálpa Ukraina við útflutninginum

Uttanríkismálaráðharrar í Ukraina og USA hava gjørt avtalu um at samstarva um at finna eina loysn uppá teir trupulleikar, sum Ukraina í løtuni hevur við at útflyta matvørur.

Tað sigur ukrainski uttanríkismálaráðharrin, Dmytro Kuleba, sum hevur verið í Berlin fyri at hitta uttanríkismálaráðharrar úr Nato-londunum.

Ukraina er ein av størstu hveiti- og maisútflytarunum í heiminum, og heimsins fátækastu lond í m.a. Afrika eru bundin at vørunum, sum tey innflyta harfrá.

Les eisini: India útflutti 1,4 milliónir tons av hveiti í apríl

ST ávaraði herfyri ímóti, at um kríggið millum Ukraina og Russland heldur fram, kunnu upp móti 47 milliónir fólk afturat enda við at svølta.

Les eisini: Kríggið í Ukraina fer at raka heimsins fátækastu

Á fundinum í Berlin um vikuskiftið segði Jens Stoltenberg, aðalskrivari hjá Nato eisini, at Nato fer at økja um hernaðarliga stuðulin til Ukraina.