Vágatunnilin stongdur ein part av vikuskiftinum

Í løtuni verður arbeitt í Vágatunnlinum, og hetta hevur gjørt, at tunnilin hevur verið stongdur hvørja nátt frá sunnukvøld til fríggjamorgun frá klokkan tíggju á kvøldi til klokkan seks á morgni.

Fríggjakvøld, leygarmorgun, leygarkvøld og sunnumorgun hevur ferðslan verið ótarnað, men soleiðis verður ikki hetta vikuskifti.

Heimasíðan tunnil.fo skrivar, at Vágatunnilin verður stongdur fríggjakvøldið 12. mars klokkan 22 til leygarmorgun klokkan seks, og leygarkvøldið 13. mars klokkan 22 til sunnumorgun klokkan 06.

Tó verður ferðslan, eins og í gerandisdøgunum, leidd gjøgnum tunnilin klokkan 23, 24, 02 og 04.

Arbeiðið við at dagføra Vágatunnilin verður væntandi liðugt síðst í apríl.

Les eisini: Vágatunnilin verður stongdur um næturnar komandi mánaðirnar