Vánalig koyrilíkindi á Vestmannavegnum og á Oyndarfjarðarvegnum

Nógv avfall hevur verið seinastu tímarnar, og seinnapartin er nógvur vindur eisini. Landsverk ávarar um at hált og krapi er í støðum um alt landið.

Tað er ikki koyrandi á Gjáarvegnum, og nógv jarðrok er báðumegin Norðskálatunnilin.

Landsverk sigur, at sera vánalig koyrilíkindi eru á Vestmannavegnum og á Oyndarfjarðarvegnum í løtuni.

Nógvur vindur er eisini. Á Ørðaskaði á Fámjinsvegnum eru 36 metrar um sekundið í hvirlunum.

Fylg við koyrilíkindunum á forsíðuni á Portalinum og hjá Landsverki her.