Varðhaldsfongslaður og skuldsettur fyri kynsligt samband við stjúkdóttir

Maðurin í 40-unum, sum fyrrapartin var til grundlógaravhoyr í Føroya rætti er varðhaldsfongslaður í 12 dagar. Hann er skuldsettur fyri at hava havt kynsligt samband við stjúkdóttir sína.

Hetta skrivar Kringvarpið á heimasíðuni í dag.

Gentan var yngri enn 18 ár, tá kynsliga sambandið skal vera byrja, og helt á eitt ár til málið varð meldað til løgregluna.

Løgreglan miðar eftir at vera liðug at kanna málið fyri páskir, sigur Heri Andreassen, leiðari á kriminaldeildini, við kvf.fo.