Vatnlekin á Villingadalsvegnum er loystur

Seinnapartin í gjár boðaði Tórshavnar kommuna frá, at ein stórur leki var á Villingardalsvegnum nærhendis Blákollugøtu.

Hetta hevði millum annað við sær, at nógv fólk í høvuðsstaðnum mistu vatnið, og lekin ávirkaði frá ringvegnum og heilt niðan til brunnarnar.

Arbeiðið at fáa bilbukt við trupulleikum fór í gongd skjótt, og Tórshavnar kommunu kunnar í dag um hetta á heimasíðu sínari

- Vatnleki var á Villingadalsvegnum millum ringvegin og Mækjugøtu 27. desember. Arbeitt hevur verið við at tetta lekan og er arbeiðið sostatt liðugt.