Video: Tekur langa tíð at bøta um vegirnar eftir áarlop

Um ársskiftið var nógvur kavi, og 12. januar fór tað at regna illa. Áarføri var, og fleiri áarlop vórðu skrásett.

Sí eisini: 50 størri og smærri áarlop higartil

Tað krevur nógva tíð og arbeiðsorku at rudda, og Virkisdeildin hjá Landsverk arbeiðir nú við umvælingum orsakað av áarlopum kring landið.

Í hesum sambandi hevur Landsverk gjørt eitt video, har upptøkur frá raktum støðum eru, og har greitt verður frá tilgongdini.

Í februar 2022 var eitt stórt skriðulop á Elduvíkarvegnum og fylgjurnar síggjast enn í dag. Tað tekur leingi at bøta um vegirnar eftir slíkt, sigur Árni Jacobsen, økisleiðari.

Sí video hjá Landsverk ovast - ella á youtube-síðu teirra