Vit áttu 16 milliardir í pensjónsuppsparing um ársskiftið

Privata eftirlønaruppsparingin í føroyskum pensjónsfeløgum og bankum, var við ársenda 2025 12,4 milliardir krónur, vísir ein uppgerð hjá Landsbanka Føroya.

Av hesum vóru tveir triðingar forskattaðir og ein triðingur, ið skulu skattast við útgjald.

Menninir áttu 7,3 milliardir og kvinnurnar 5,1 milliardir av teimum 12,4 milliardunum tilsamans. Eftirlønaruppsparingarnar í Føroyum øktust við 1 milliard krónum ella við 9 prosentum frá 2024 til 2025.

Harafturat áttu føroyingar privatar eftirlønaruppsparingar í donskum pensjónsfeløgum fyri 3,5 milliardir krónur í 2025. Samlaða privata eftirlønaruppsparingin var tí 15,9 milliardir ella 54 prosent av bruttotjóðarúrtøkuni, BTÚ, í 2025.