Vitja Húsavíkar kirkju heima

- Húsfrúgvin í Húsavík reið í kirkju. Vit kunnu vitja kirkjuna heima - á skíggjanum.

Soleiðis skrivar Fólkakirkjan á heimasíðu sínari. 

Fólkakirkjan er farin undir eina tilgongd at gera allar kirkjur í Føroyum tøkar til "Tykisferð".

Hetta merkir, at ein kann sita á telefonini ella við teldu og nærum veruliga hyggja eftir einari kirkju.

Til hvørja kirkju eru eisini ymiskar upplýsingar knýttar.

Sí eisini: Á tykisferð inn í føroysku kirkjurnar 

Soleiðis er nú við Húsavíkar kirkju. Bygdin á Sandoynni hevur eisini sína serstøku kirkju, sum nú er tøk á tykisferðir.

Tað gjørdist hon í gjár. Heimasíðan folkakirkjan.fo greiðir soleiðis frá: 

- Ovast á síðuni ber til at trýsta á Tykisferðir. Í høgra bredda ber til at trýsta á "Menu", og har sæst at fýra kirkjur er tøkar: Christianskirkjan, gamla Gøtu kirkja, Sandavágs kirkja og Húsavíkar kirkja.

Ætlandi verður Eiðis kirkja tøk um góða viku.