Mánadagin 16. august var fagnaðarhýrur á keiini á Eiði, tá nýggi bjargingarbáturin “Vón” kom til bygdina eftir ferð úr írska býnum Cork. Hetta skrivar heimasíðan hjá Eiðis kommunu.
- Nógv fólk vóru savnaði saman fyri at fagnað Eiðis bjargingarfelag, nú verkætlan teirra er komin á mál. Til tiltakið spældi Eiðis Ljómfelag nøkur løg fyri fjøldini, og røður vóru bornar fram.
Millum røðararnar hendan dagin í síðstu viku var landsstýrismaðurin í fiskivinnumálum, Jacob Vestergaard.
Fyri at báturin skal nýtast krevjast loyvi og góðkenningar, og eidi.fo skrivar, at eftir viðkomandi kanningar var í gjár greitt, at endaligu góðkenningarnar eru komnar upp á pláss. Harvið er Vón nú til reiðar, tá ið tørvur er á honum.
Vinarliga broyt tínar kennifíla - og privatlívsstillingar fyri at síggja hetta innihald