Uttanlands

"Woke-vasking" - Gilette brúkar sosialan boðskap fyri egnan vinning

"Woke-vasking"? Vørumerkir, so sum Gilette, brúka sosial viðurskiftir í lýsingum fyri egnan vinning

Gilette rakibløð (Mynd: EPA/CJ GUNTHER)

2019-01-19 22:32

Elisa Vang

"Øll reklama er góð reklama"?

Gilette fór í 1989 undir "Best a Man Can Get"-átakið undir Superbowlsesongini. Hetta gjørdist eitt av minniligastu slagorðunum í lýsingasøguni. Lýsingin var slóðbrótandi, tí hon appeleraði til tann eyma persónin innaní manninum.

Í vikuni fór Gilette undir enn eitt lýsingaátak, hetta var eitt slag av aftusvari til #MeToo-rørsluna. Lýsingin leggur upp til, at menn skulu verða betri, minni macho, og skulu gevast við at umbera vánaligan atburð við orðatakinum "dreingr eru dreingir", ella "boys will be boys".

Summi vilja vera við, at nú er rakiblaðsfyritøkan Gilette vorðin tað, sum bretar kalla "woke", sum merkir "tilvitaði". Hetta verður helst meint í neiligum tóna Tó hava kend og tignaðarlig fólk eisini róst lýsingini. Elijah Wood sigur, hon er vøkur, Jessica Chastain sigur, hon er rørandi og Arianna Huffington kallaði hana eina "mást síggja"-lýsing.

Men hvussu kunnu politisk lýsingaátøk hava peningaligan vinning við sær?

"Vit liva í einum heimi, har vørumerki halda, tey skulu tæna eium endamáli", sigur Dan Cullen-Shute, stjóri og stovnari av óheftu lýsingaskrivstovuni Creature í London. "Kanningar vísa ferð eftir ferð, at tey ungu ynskja vørumerki, sum gera og hugsa nakað ávíst". Hann sigur, at bara selja rakibløð við fimm bløðum er ikki nokk longur, og tí máttu tey finna uppá okkurt djarvt. "Eg virði, at tey gjørdu eina roynd, men í samskiftishøpi er lýsingin klombrut, innbilsk og vánaliga sett saman. Tað er møguligt at halda, at #MeToo-rørslan er týdningarmikil, og at stuðla ein heim, har menn eru meira virðiligir og fittir, men samstundis at halda, at tað er óhóskandi fyri Gilette, at setir orð á tað.

Nike fór undir eitt líknandi átak í fjør. Eitt átak, ið gjørdi upp við millum annað rasismu.

Hetta slagið av "woke-vasking", at felagsskapir brúka progressiv virðir til egnan vinning, er óbehagiligt fyri summi. "Vit fara at síggja enn fleiri vørumerki, sum brúka sosial viðurskifti í lýsingum", sigur Eliza Williams, redaktørur á blaðnum Creative Review.

Les alla greinina HER

Vinarliga broyt tínar kennifíla - og privatlívsstillingar fyri at síggja hetta innihald