Yvir 12 milliardir útgoldnar í lønum seinasta árið

Í tíðarskeiðnum juli 2023 til juni 2024 vórðu 12,4 milliardir krónur útgoldnar í A-skattaðum lønum í Føroyum.

Tað er ein vøkstur á nærum 700 milliónir ella 5,8 prosent, skrivar Hagstovan.

Menninir áttu umleið 60 prosent - 7,6 milliardir - og kvinnurnar 40 prosent - 4,7 milliardir - av samlaðu lønunum seinastu tólv mánaðirnar.

Vøksturin hetta tíðarskeiðið var tó størri hjá kvinnum enn hjá monnum samanborið við undanfarnu tólv mánaðirnar. Vøksturin var 7,7 prosent hjá kvinnum og 4,6 prosent hjá monnum.