placeholder
Innanlands

Yvir 40 prosent av teimum yvir 18 ár eru koppsett tríggjar ferðir

Talan er um 16.358 myndug fólk - nú eru næstan 100.000 koronukoppsetingar gjørdar í Føroyum

Eitt ár og ein vika er farin, síðani Gunnrið Joensen gjørdist fyrsti persónur í Føroyum at fáa koppsetingina - nú eru 41.489 fólk koppsett (Mynd: Sverri Egholm)

Eitt ár og ein vika er farin, síðani Gunnrið Joensen gjørdist fyrsti persónur í Føroyum at fáa koppsetingina - nú eru 41.489 fólk koppsett (Mynd: Sverri Egholm)

2022-01-07 16:58 Author image
Agnar Prestá
placeholder

Í eitt ár og eina viku er nógv orka nýtt í sjúkrahúsverkinum at koppseta fólk fyri koronu. Í Klaksvík er tað nú Apoteksverkið, ið fremur hesa uppgávu.

Í nýggjá árinum verða framhaldandi nógv koppsett, og tað er serliga triðja prik, ið fólk nú fáa. Talið fyri triðju koppseting er seinastu tíðina farið langt upp. 

Tó vórðu 18 fólk koppsett fyri koronu fyri fyrstu ferð í gjár, hósdagin 6. januar, tá 585 koronukoppsetingar vórðu gjørdar. Hetta skrivar korona.fo, ið samstundis upplýsir, at tjúgu vórðu koppsett fyri aðru ferð, og 547 fólk fingu triðja prikið.

Hetta merkir, at nú hava 41.489 fólk fingið fyrru koppsetingina og 40.623 fólk hava fingið koppseting nummar tvey - hetta eru ávíkavist 92,7 og 90,7 prosent av íbúgvunum í Føroyum, ið eru yvir tólv ár.

16.358 fólk hava fingið trý prik, og tað eru 40,6 prosent av øllum myndugum íbúgvunum í landinum. Tá tað snýr seg um triðju koppsetingina verður talt frá átjan og uppeftir - hetta tí at tey ið eru undir átjan ikki hava fingið møguleikan at koppsett seg fyri triðju ferð enn

Vit hava í nøkrum greinum í seinastuni skriva prosentalið fyri triðja prik "tey yvir tólv ár, men hetta er ikki rætt"

Tilsamans 98.470 koronukoppsetingar eru gjørdar í Føroyum, skrivar korona.fo. Hetta uppá beint yvir 370 dagar. Harvið verður talið helst sekssiffrað heilt skjótt.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder