– Eg ætli mær ikki at verða livibreyðspolitikari

Eyðdis Hartmann Niclasen, borgarstjóri í Vága kommunu, hevur boðað frá, at hon ikki stillar uppaftur á kommunuvalinum í november.

– Eg havi verið í farloyvi í fýra ár, og eg ætli mær ikki at verða livibreyðspolitikari, sigur borgarstjórin í samrøðu við Kringvarpið, sum kann hoyrast her.

Tað var ongantíð ætlanin, at hon skuldi taka meira enn eina setu, sigur hon, og leggur afturat, at hon saknar sítt gamla arbeiðspláss, sum hon gleðir seg at fara aftur til.

Seinastu árini hevur Eyðdis Hartmann Niclasen verið í farloyvi frá starvinum sum stjórnarskrivari í Smyril Line, men 1. januar byrjar hon aftur.