- Landsstýrismaðurin gongur í sjálvdrátti

- Tað er yvirhøvir ongin semja! Landstýrismaður gongur í sjálvdrátti.

Tað skrivar Bjarni Hammer, tingmaður fyri Javnaðarflokkin í viðmerking undir einari grein hjá Dimmalætting á Facebook við yvirskriftini "Hava funnið semju um prísin á ferðaseðlum við Strandferðsluni".

Dennis Holm, landsstýrismaður í samferðslumálum, legði í síðstu viku nýggja prísskipan fram, og segði at semja var í samgonguni um hetta. Soleiðis vísti tað seg ikki at vera, tí Karlot Hergeirsson, tingmaður fyri Framsókn, hótti fríggjadagin við at leggja misálit fram móti landsstýrismanninum.

Løgmaður hevur upplýst, at tað ikki bara er Karlot Hergeirsson, sum er ónøgdur, men at onnur í samgonguni heldur ikki taka undir við prísbroytingunum og prinsippinum í uppskotinum.