Agnar Prestá
Bárður á Steig Nielsen svaraði í gjár grein 52 fyrospurningi, sum Bjørt Samuelsen setti 13. mai. Hann varð deildur upp í seks punkt - ella seks ymiskar spurningar.
Løgmaður greiddi í fyrsta svarinum frá støðuni í ferðavinnuni, og hvussu landstýrið nú fer at royna at hjálpa ferðavinnuni.
Ætlanin um hjálp til ferðavinnuna verður løgd fyri løgtingið í komandi viku
Bjørt Samuelsen spurdi eisini um yvirskipaðu støðunum hjá fyritøkum og viðvíkjandi arbeiðsloysi, um ætlanin var at lengja skipanina við ALS, og um endurgjald fer at verða veitt til firtøkur, ið eru illa sperdar orsakað av koronastøðuni.
Í svarinum kom Bárður inn á tølini hjá ALS, ið millum annað vísa, at alt fleiri starvsfólk fara úr lønarískoytisskipanini - hetta er tí, at fyritøkur eru farnar meira til verka aftur:
- Tann 4. apríl vóru 4320 fólk í skipanini. Tann 25 mai var hetta talið 2266
- Verður roknað við, at øll tey, um í dag eru í lønarískoytisskipanini hjá ALS, fara yvir í vanligu arbeiðsloysistryggingina, verður mesta arbeiðsloysið 11 %. Hetta er tó, sum gongdin higartil vísir, lítið sannlíkt. Meira sannlíkt er, at umleið helvtin av teimum, sum eru í lønarískoytisskipanini hjá ALS, í eitt tíðarskeið fara yvir í vanligu arbeiðsloysistryggingina. Í tí førinum verður mesta arbeiðsloysi umleið
Hetta talið, staðfestir løgmaður, er ov høgt, men tað er ikki væntanti, at talan er um eina varandi støðu, tí fyritøkur fara at seta fólk aftur í starv, og tí vinnulívið grundleggjandi er væl fyri at standa ímóti kreppuni.
- Verðr gongdin øðrvísi og veri enn væntað kunnu fleiri tiltøk koma uppá tal seinni, skrivar løgmaður at enda.
Sí spurningarnir og svarini her
Vinarliga broyt tínar kennifíla - og privatlívsstillingar fyri at síggja hetta innihald