– Smittuvandin er ikki av

Hóast eingin skipaður midnáttarsangur skuldi vera á Vaglinum í ár, og mælt var til at fylgja við heima við hús og í grannaløgunum, vóru kortini túsundatals fólk, sum savnaðust at syngja saman á Vaglinum á midnátt.

Michael Boolsen, fúti og formaðuri í farsóttarnevndini, harmast um, at túsundatals fólk ikki fylgdu tilmælinum.

– Tey hava ikki fylgt tilmælinum hjá mær, og tað haldi eg sjálvandi vera keðiligt. Vit mugu ásanna, at smittan er ikki yvirstaðin. Tað hava hendingarnar í Klaksvík hesar seinastu dagarnar jú prógvað, sigur hann í samrøðu við Útvarpið.

– Vit fáa smittuna uttanífrá, og tá smittan kemur uttanífrá og inn til Føroya, er tað uppaftur meira umráðandi at uppføra seg skynsamt.

Hoyr innslagið her.

Sí eisini: Myndir: Fylgdu ikki boðunum um ikki at møta upp