– Umráðandi at ES hevur eina felags støðu

Tað er umráðandi, at ES hevur eina felags støðu fyri at tryggja, at friðarsamráðingarnar enda við einum góðum úrsliti - bæði fyri Ukraina og Evropa, sigur forsetin í ES-forsetin, António Costa sambært Ritzau.

Í dag fundast ES-stjórnarleiðarar fyri at royna at samskipa eina felags evropeiska støðu til amerikonsku friðarætlanina, sum varð send russum og ukrainum í farnu viku.

Hetta verður gjørt í tættum samskifti við ukrainska forsetan, Volodymyr Zelenskyj.

António Costa skrivar á sosiala miðilin X, at hann hevur tosað við Zelenskyj fyri at fáa hansara meting av støðuni.

Costa er í dag á fundi millum ES og Afrikanska Samveldið í Luanda, høvuðsstaðnum í Angola. Hareftir luttaka fleiri ES-leiðarar á fundinum umvegis netið.

Umboð fyri Evropa, USA og Ukraina hava síðan í gjár fundast í Sveis, og higartil hava partarnir verið jaligir um úrslitini av samráðingunum.

Les eisini: Týskur ráðharri: Ásetingar um Nato og Evropa tiknir úr friðarætlanini

Les eisini: Amerikanski uttanríkismálaráðharrin er bjartskygdur