- Vónandi velja tit at gera tað rætta

- Tað er ikki mín uppgáva at siga tykkum føroyingum, hvat tit skulu halda og gera. Men mín áheitan er, at tit hugsa tykkum væl um, og so velja tað rætta.

Soleiðis sigur 45 ára gamli Mykhailo Vydoinyk, sum er ukrainskur sendimaður í Keypmannahavn.

Hesa vikuna hevur hann vitjað í Føroyum, boðin av Sjúrði Skaale, fólkatingslimi. Endamálið við ferðini var at hitta ukrainar í Føroyum, og at hitta føroyingar, politikarar og vinnulív.

Og sambært honum er ongin ivi um, hvat tað rættast er at gera. Tað er av øllum alvi at forða Russlandi í at halda fram við sínum álopssinnaða og imperialistiska atburði móti sínum grannalondum. Russland skal støðgast við øllum teim møguleikum, sum eru.

Mykhailo Vydoinyk (Mynd: Jens Kr. Vang)

Sendiharrin ásannar, at hansara fremsta uppgáva, sum umboðsmaður fyri ukarinsku tjóðina í Keypmannahavn, er at arbeiða fyri at savna stuðul til verjuna av Ukraina.

- Tí hevur tað størst týdning fyri okkum at fáa vápn til at berjast móti russisku atsóknini. Men misskil meg ikki, allur stuðul er kærkomin, og tí havi eg eisini eina áheitan til føroyingar, sigur sendiharrin, og kemur inn á stóra politiska spurningin her heima, føroyska fiskivinnusamstarvið við Russland.

Les alla samrøðuna við ukrainska sendimannin ókeypis í Blaðnum Vikuskifti her