1000 fólk stukku inn

Leysliga mett vórðu 1000 fólk og lótu seg kanna fyri koronu á Eirargarði í dag. Tað siga tey á Landssjúkrahúsinum í kvøld.

Kanningarmiðstøðin lat upp klokkan 13, men longu um middagsleitið var bíðirøðin komin yvir móti Magn á Frælsinum. Tá klokkan nærkaðist hálvgum átta koyrdi seinasti bilurin ígjøgnum tjaldið.

Kanningarmiðstøðin hevur opið frá 17 til 19 mánadagin og aðrar vanligar gerandisdagar.