Innanlands

12 smittutilburðir funnir higartil í dag

763 av teimum 3.280 kanningunum frá í gjár, eru ikki greinaðar enn

(Savnsmynd)

(Savnsmynd)

2020-08-07 18:26 Author image
Ingi Samuelsen
placeholder

Talið á koronasmittaðum føroyingum er nú komið upp á 98. Tað vil siga, at 291 persónar tilsamans nú hava fingið staðfest smittuna í Føroyum.

Tað vísir nýggjasta uppgerðin frá Heilsumálaráðnum. Úrslitið byggir á í alt 45.849 kanningar.

5. august vórðu 1.817 kanningar gjørdar, og 38 fólk vórðu funnin smittað. Í gjár vórðu 3.280 kanningar gjørdar.

Allar royndirnar frá í gjør eru ikki greinaðar enn. Enn vanta 763 kanningar at greinast, sigur Heilsumálaráðið. Í teimum 2.517 kanningunum, sum eru greinaðar, eru 12 smittutilburðir staðfestir.

Lars Fodgaard Møller, lændslækni, segði annars fyri útvarpinum fyri løtu síðani, at talið av smittaðum í dag var 15.

Heilsumálaráðið heitir nú á øll, sum lótu seg kanna í gjár, um at vísa serligt varsemi, til øll kanningarúrslit eru tøk. Úrslitini verða dagførd skjótast gjørligt á corona.fo og  á heimasíðuni hjá Heilsumálaráðnum, hmr.fo.

Ongin koronasjúklingur liggur á sjúkrahúsinum. Russiski skiparin, sum hevur ligið innlagdur hart raktur av korona, er nú frískur og útskrivaður.

Sostatt eru 98 persónar smittaðir í løtuni. Teirra millum eru teir 32 sjómenninir, sum eru farnir av landinum aftur. 

Í alt hava nú 291 persónar fingið staðfest koronasmittuna í Føroyum, og nú eru so 193 av hesum staðfest frísk aftur. 

placeholder
placeholder