Innanlands

200 nýggir koronatilburðir uppá eitt samdøgur í Sydney

13 persónar umborð á stórum ferðamannaskipið vóru sjúkir og vórðu kannaðir fyri koronavirus umborð. 2700 fólk komu í land í Sydney seinasta hósdag uttan at vera kannaði á nakran hátt

130 av ferðafólkunum á Ruby Princess, sum legði at í Sydney fyri lítlari viku síðani, hava fingið staðfest koronavirus

130 av ferðafólkunum á Ruby Princess, sum legði at í Sydney fyri lítlari viku síðani, hava fingið staðfest koronavirus

2020-03-25 14:23 Author image
Agnar Prestá
placeholder

Talið av smittaðum í Avstralia er fyrst í hesari vikuni farið uppum 2.000, og í New South Wales er talið nú omanfyri 1.000. Seinnapartin lokala tíð í dag varð kunngjørt, at 287 tilburðir eru staðfestir í landinum seinasta samdøgrið.

200 av teimum vóru í Sydney. Størsti býurin í landinum og høvuðsstaðurin í New South Wales er helst raktur so hart beint nú, tí at eitt ferðamannaskip við sjúkum fólkum umborð legði at, og øll ferðafólkini sluppu í land uttan nærri kanningar. Hetta skrivar avstralski miðilin 7News.

Umborð á Ruby Princess vóru minst 13 persóner, ið vóru sjúkir ella illa fyri, og teir vórðu kannaðir fyri koronavirus umborð. Hini áleið 2700 ferðafólkini sluppu í land uttan at verða kannaði fyri febur ella nakað. Seinni er staðfest, at 130 av ferðafólkunum hava koronavirus.

Tey sum skuldu verða verandi í Avstralia fingu boð um at fara í sóttarhald, men tey hava helst flutt seg millum stórar mannamúgvur og í almennum trafikki. 

Avstralia setti í seinastu viku nýggj tiltøk í verk móti koronavirusinum.

Les eisini: Avstralia letur landamørkini aftur - tiltøkini skulu galda í upp til hálvt ár

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder