25 smittað í løtuni

Í gjár vórðu tríggir nýggir smittutilburðir staðfestir, vísa nýggjastu tølini hjá landslæknanum.

Í øllum trimum førum er smittukeldan kend, skrivar corona.fo.

Fyrradagin vórðu tveir nýggir tilburðir staðfestir, eisini frá kendari smittukeldu. Síðan í gjár er ein persónur eisini staðfestur frískur, og sostatt er talið á smittaðum í løtuni 25.

820 kanningar vóru gjørdar seinasta samdøgrið. 151 fólk standa til at vera í sóttarhaldi í løtuni. Eingin er innlagdur.