283 fingið tilboð um lestrarpláss á Setrinum

389 søktu inn á Setrið í ár, og av teimum hava 283 fingið bjóðað lestrarpláss.

237 hava fingið tilboð um bachelorútbúgving, 45 um masterútbúgving og ein um hjánám. Lýst verður við møguligum tøkum lestrarplássum frá 7. august, skrivar Fróðskaparsetur Føroya.

Flestar umsóknir vóru til sjúkrarøktarfrøðiútbúgvingina. Har verða lesandi tikin inn tvær ferðir árliga, og tilsamans 99 hava søkt um at lesa sjúkrarøktarfrøði – 44 við byrjan í summar, og 55 við byrjan í vetur. Av hesum hava ávikavíst 26 og 25 fingið tilboð um lestrarpláss.

58 søktu inn á løgfrøðiútbúgvingina, og 21 teirra hava fingið bjóðað lestrarpláss.

Ávikavíst 52 og 46 ynsktu at lesa til fólkaskúlalærara og námsfrøðing, og har eru 35 lesandi sloppin inn til báðar útbúgvingarnar.

Alt yvirlitið hjá Fróðskaparsetrinum sæst her.