29-ára gamal 60 daga fongsul fyri at hótta eftir lívinum

Eystari Landsrættur er í løtuni í Føroyum og hevur ymisk mál á skránni.

Í gjár byrjaði onnur vikan við einum revsimáli, ið snúði seg um vitnihóttanir og sostatt brot á revsilógina. 

Føroya Politi skrivar, at ein 29 ára gamal maður var ákærdur fyri at hava hótt fyrrverandi unnustu sína og onnur eftir lívinum. Hetta var í sambandi við, at hon var vitni í einum øðrum revsimáli móti honum.

Eystari Landsrættur staðfesti dómin frá Føroya Rætti, og maðurin fekk 60 daga fongsul.