298 fulltíðararbeiðsleys í august

Í august var arbeiðsloysið í Føroyum eitt prosent, og tað var sostatt óbroytt í mun til sama mánað í fjør, skrivar Hagstovan.

Talið á persónum, sum vóru raktir av arbeiðsloysi í august var 33 færri enn í august í fjør.

353 persónar vóru raktir av arbeiðsloysi í august -  130 kvinnur og 223 menn. Hetta svarar til 298 fulltíðararbeiðsleys - fýra færri enn í august í fjør.

Størsta arbeiðsloysið var í Suðuroy - 2,1 prosent. Lægsta arbeiðsloysið var í Eysturoynni, Norðoyggjum og Sandoynni - 0,6 prosent, skrivar Hagstovan.