Tíðindaskriv
Fyri 30 árum síðani var tónleikabólkurin Aldubáran stovnaður. Sjey ungir tónleikarar, ið tá allir vóru spjaddir kring heimin, stovnaðu bólkin. Endamálið var – og er framvegis – at spæla tónleik á hægsta stigi, og eggja tónaskøldum at skriva nýggjan tónleik.
Hesi seinastu trý áratíggjuni hevur bólkurin arbeitt við at bíleggja, skapa og framføra serliga nýggjan føroyskan tónleik, umframt at framføra kamar- og samtíðartónleik í Føroyum og uttanlands.
Leygardagin 18. oktober bjóðar Aldubáran føðingardagskonsert við fullari manning, og fer á konsertini at framføra spildurnýggjan tónleik, skrivaður av blaðungum tónaskøldum. Flestu teirra vóru ikki fødd, tá ið Aldubáran var sett á stovn fyri 30 árum síðani.
Ungu tónaskøldini, hvørs verk verða framførd á konsertini, eru:
Tóra Tróndardóttir
Ásgerð Stenberg Olsen
Alvi Joensen
Eli Tausen á Lava
Bjarni Blaasvær
Mikkjal Davidsen
Andras Ellendersen
Ólavur Eyðunsson Gaard
Konsertin, sum er ókeypis, verður í Hátuni á Musikkskúlanum leygarkvøldið 18. oktober kl. 19.30.
Tónleikara hetta kvøldið erur:
Bernharður Wilkinson, dirigentur
Jón Festirstein, violin
Andrias Blaasvær, violin
Angelika Hansen, violin & bratsj
Birita Dam, bratsj
Kristina á Váli, sello
Andreas Restorff, sello
Ólavur Jakobsen, gittar
Aksel Remmel, klaver
Kristina Thede, saksofon
Andrea Heindriksdóttir, floyta
Anna Klett, klarinett
Páll Sólstein, horn
Maria Wang Reinert, trombon
Ernst Remmel, trompet
Johan Hentze, trompet
Vinarliga broyt tínar kennifíla - og privatlívsstillingar fyri at síggja hetta innihald