383 hava søkt um lestrarpláss á Setrinum í ár - fáa svar 11. juli

Í 2024 var talið 379, og í ár eru fýra fleiri umsóknir til Fróðskaparsetur Føroya. 

383 fólk  hava søkt um tær samanlagt 21 útbúgvingarnar, sum eru í útboði. Toppskorarin er "fólkaskúlalærari" (55 fólk), og beint í hølunum (54 fólk)

Yvirlit sæst á setur.fo

Fróðskaparsetur Føroya fegnast um, at 20 fleiri hava søkt um pláss at lesa bachelor í KT-verkfrøði í ár, so talið er tilsamans 35.

- Hetta er sera gott, tí stórur eftirspurningur er eftir útbúnum KT-fólki í KT-vinnuni og manga aðrastaðni við.

Eisini hevur nýggja masterútbúgvingin í Leiðslu og Skipan vind í seglunum. Tey fyrstu 10 hava nýliga fingið prógv, og nú hava 22 søkt um lestrarpláss har samanborið við 15 í 2023.

Nærri kunning seinni í vikuni - nýggjur møguleiki kemur

Fróðskaparsetur Føroya skrivar, at lestrarskrivstovan nú viðger umsóknirnar, og at svar koma nú fríggjadagin - 11. juli.

Eisini verður latið upp fyri fleiri umsóknum, um tað ikki er fult:

- Fyrst í august verður latið upp aftur fyri umsóknum til útbúgvingar, sum hava tøk pláss eftir. Tann umsóknarfreistin verður á midnátt 13. august.

Innleiðsla fyri nýggju studentunum verður mánadagin 18. august.