40 hvalir hildnir til í Hvannasundi

Fyri einum lítlum tíma síðani vórðu umleið 40 hvalir hildnir til í Hvannasundi.

Jens Jensen, sýslumaður, upplýsir, at tað gekk væl at drepa, og tað gingu bara seks minuttir frá at drápið byrjaði til alt var av.

Nú verða hvalirnir hivaðir upp á land í Hvannasundi, og síðani verður farið í holt við at merkja.

Býtt verður í drápspartar, sigur sýslumaðurin.

Grindin varð funnin í Árnafirði um middagsleitið. Tað vóru fólk á landi, sum boðaðu frá henni.