Ingi Samuelsen
Norðurlendsk bisparáðstevna er í Føroyum í hesum døgum. Biskupar úr øllum Norðurlondunum hittast triðja hvørt ár, og í ár er ráðstevnan í Føroyum 23. til 27. juni.
Á skránni eru fyrilestrar við bæði føroyskum og útlendskum fyrilestrahaldarum. Høvuðsevnið er “Kirkjan í ófriðarligum tíðum”. Ráðstevnan er ein arbeiðsfundur fyri biskupar, og vitjanin er tí ikki almenn.
Hóast skráin fyri dagarnar er umfatandi, verður eisini vitjað kring landið, eitt nú í Kirkjubø, í Eysturoynni og í Norðoyggjum.
Tað er umsitingin hjá Jógvan Fríðrikssyni, biskupi, saman við tveimum av donsku biskupunum, ið skipa fyri innihaldi og kørmum um ráðstevnuna í Føroyum.
Tilsamans luttaka áleið 45 biskupar úr Danmark, Noregi, Svøríki, Finnlandi og Íslandi á ráðstevnuni, skrivar heimasíðan hjá Fólkakirkjuni.
Vinarliga broyt tínar kennifíla - og privatlívsstillingar fyri at síggja hetta innihald