48 næmingar byrjaðir á Ítróttaháskúlanum: - Kundi verið tvífalda stødd

Mánadagin 18. august byrjaði heystskeiðið á Ítróttaháskúlanum í Suðuroy.

Suðurrás skrivar, at 48 næmingar byrjaðu á heystskeiðinum. Talan er um 24 dreingir og 24 gentur.

Heystskeiðið er í 15 vikur. Umframt ymiskar upplivingar í Vági og har um kring,  fevnir tað eisini um eina spennandi viku í Spania.

Staðfest verður, at áhugin fyri Ítróttaháskúlanum er stórur. Tað er eisini fullteknað til næsta skeið

-Heystskeiðið er sum nevnt fullteknað, og tað standa umleið 100 á bíðilista til hetta skeiðið, so í veruleikanum kundi skúlin verði tvífalda stødd. Várskeiðið 2026 er eisini fullteknað.