56 ára gamal maður latið lív í arbeiðsvanlukku

Seinnapartin hendi ein syrgilig vanlukka á Varðanum Pelagic á Tvøroyri. Ein maður hevur latið lív, 56 ára gamal.

Sum skilst er maðurin árendur av einari arbeiðslyft, tá hann var til arbeiðis á nýggja virkinum á Tvøroyri, sum verður bygt upp aftur.

Løgreglan fekk fráboðanina klokkan 16.04.

Arbeiðseftirlitið er á veg á staðið at kanna umstøðurnar nærri.