88 fólk smittað í løtuni – 22 afturat staðfest frísk

Tilsamans 303 tilburðir eru nú skrásettir í Føroyum, og í løtuni eru 88, sum eru smittað við koronasmittuni, vísa nýggjastu tølini hjá Heilsumálaráðnum.

Síðan í gjár eru 22 fólk afturat staðfest frísk, og eru nú tilsamans 215 av teimum 303, ið hava fingið staðfest smittuna í Føroyum, staðfest frísk aftur.

Fleiri enn 900 fólk eru nú í sóttarhaldi.

Har er í løtuni eingin koronasjúklingur, sum er innlagdur.

Fleiri enn 50.000 koronakanningar eru nú gjørdar í Føroyum. 612 kanningar frá fríggjadegnum eru enn ikki greinaðar, upplýsir landslæknin.

Dagførd kl. 11.59